常見問題 FAQ

租用服務

  • 收費會以 ❶ 租金 (網站顯示之價錢) + ❷ 按金

    ❷ 按金 會係黎拎物資時先俾，物資歸還完整無缺時會全數退回。 租期為一星期 (7日6夜)， 預留租用物品須繳付全數租金作訂金。

    拿取物品時需繳付相關物品的按金，歸還物品如有遺失或損毀至無法使用，按金將不獲退回，其他損毀情況按理賠償。物資如有破損，我們會於按金內扣起相對金額以作修補 / 補償。

    如租賃物品因任何客觀原因導致未能於預定時期出租，我們會盡快通知租客，並退回已繳付之訂金，客戶需自行承擔其他損失。

  • 可以睇番我地嘅租用流程 How to rent 呀 :D 

  • 因為我地唔係NGO 🥲 我地都要交租嘅，所以租金係租用物資嘅費用，係冇得退番嘅。而按金係拎物資嘅時候俾低，到還物資，如果物資完好無缺就會全數按金退番。

  • Appreciated 早啲安排婚禮物資🤗 現時2025年檔期現已開放，俾咗租金就已經可以幫你留咗個期先喇👍🏻

  • 如果物資仲有期的話，婚禮前一日都仲可以租嘅😅 不過請留意番我地嘅開店時間，同埋需要到店自取物資🙏🏻多謝合作

  • 雖然婚禮一世人一次，但唔代表要浪費資源同唔環保嘅💚 寄語各位靚靚新娘子，整個籌備婚禮嘅過程 由 Miss to Mrs 雖然過程好艱辛XD，但係我地都可以為地球盡一分力💚向 #環保婚禮 進發

    盡力提供多一個選擇俾準新人，推動 #環保婚禮 #綠色婚禮

  • 我地唔係慈善機構 / 社企 XD 我地只係太勇敢去經營環保婚禮服務嘅店主（笑）。

    所以我地都係要交租都係要食飯，如果你地認同我地嘅理念，不妨為我地多多推介喔親 <3

提取 / 交收物資安排

  • 我地可以於開店時間內代叫車/步兵送貨，視乎租用物資多少決定，車資由用家負責，因為本來物資係需要到店自取的。而安排送貨前，請先支付按金🙇🏻‍♀️ 運輸風險亦由用家承擔，請自行考慮是否叫車送貨。

  • 車資到付，實報實銷。運費因應不同時間地點而定，你可以自行於各大call車平台㩒一㩒報價，店舖地址喺網站可以搵到。你亦可自行安排司機上門取件，但請先通知我地以作安排🙏🏻 謝謝合作！

  • ①地鐵站交收🙅🏻‍♀️ 因為一人顧店，所以我地除咗舖頭以外，係唔會另外交收嘅

    ②順豐到付🙅🏻‍♀️ 因為難以確定運送期間物資完好無缺，所以我地並不會安排順豐到付運送。但你可以選擇步兵 / 運輸協助你到店取件

  • 我地提倡以租代買，善用物資循環再用，因此我地絕不鼓勵，亦並無買斷物資服務。須知道物資有機會有新人之後再租黎用，所以如果因為地點問題，敬請喺租用之前三思清楚是否有能力歸還物資，做個負責任嘅租用者。亦希望大家愛惜物資，儘量妥善保存已租之物🙏🏻🙇🏻‍♀️萬分感激

捐贈物資

  • 我地唔會🥲暫時都唔會。唔係我地貪心要人捐物資，而係我地真係冇位，係冇位😮‍💨 我地唔係NGO，冇咁多地方容納咁多物資，明白有人會唔明點解要捐俾我地，只可以講⋯⋯選擇捐物資俾我地嘅新人大部分都好認同/支持我地嘅理念，所以選擇無私捐獻物資俾我地（但再三講多次，我地唔係樣樣都收架，請send相俾我地考慮一下先）

  • 嗯⋯因為店舖面積有限，所以要睇睇係咩類型，太大件嘅就會擺唔落

    如果店舖已有同類型嘅物資，我地暫時都唔會回收。

    你亦可以先send 相俾我地望望先 :) 如果我地收唔到，我地亦鼓勵大家可以同朋友分享，延續物資可再用嘅生命喔！

  • 明白嘅☺️🙏🏻相比起接收物資，我更想多啲人租用我地嘅物資減少浪費💚 拿～講明先，人人定義嘅靚都唔同嘅，結婚用一次當然好新淨，我真係明⋯

    無奈我地店舖空間有限（要交租的🥲）所以我地不能夠任意接收物資。

    你地有心想捐物資俾我地嘅新人，可以先影相俾我地望望，我地會再考慮接唔接收，千祈千祈唔好直接拎過黎舖頭直接俾我地🥲🙏🏻拜托～我地真係冇乜位剩架喇 thankssss

關於物資狀況 / 損毀 / 遺失

  • 我地租出去之前會作簡單清洗。
    將心比己，我地都希望客人歸環物品前作簡單清洗，謝謝！

    如果有啲使用過或小瑕疵，請唔好見怪，始終都係它的過去呀！ ​ 循環物資可能有耗損，不喜勿插。

  • 大部份物資係二手嘅，condition都好新淨。亦有部份係全新，由新人捐贈俾我地。

    我地希望所有資源都可以循要再用，達至資源可以發揮到佢嘅功效，不至於浪費去到堆填區。

  • 我地嘅物資大部份由客人捐贈，以及 惜婚男女 提供，佢地早前有提供二手婚禮用品租售服務，其後由我地 Miss to Mrs Green 接手繼續運作下去。

    詳情可以參考呢個 post :)
    https://www.facebook.com/cnswedding/photos/a.925925404093439/2512259615460002/?type=3&theater

  • 冇錯，如果萬一物資租之前有破損 / 遺失咗，客人可以選擇退款，或者考慮轉租其他物資。當然一般租用我地物資嘅新人都係想環保啲，都會儘量愛惜租用之物🙏🏻有賴各位嘅愛護同惜物之心🙇🏻‍♀️

  • 呢個係唔想發生但明白又理解嘅情況黎嘅。明白大日子有好多事要處理，我地一般會建議新人可以安排兄弟姊妹最後負責收集番租用嘅襟花。如果真係有遺留，我地會扣起遺失物資之按金，以作賠償之用。